Dopu à i Ghjilecchi Gialli, hè nata a mossa di i Penni Rossi
Dopu à parechji simani di rivindicazioni di i Ghjilecchi Gialli, hè nata u 12 di dicembri annantu à i reti suciali, a mossa di i Penni Rossi annantu à u gruppu Facebook « Les stylos rouges » chì addunisci più di 29 000 prufissori di l’Educazioni Naziunali chì dumandani chì u so mistieri fussi missu di più in valori. I Penni Rossi voni travaglià in cundizioni più belli cà quilli d’avà incù, par isempiu, un numaru menu impurtanti di zitelli in ogni scola. Dumandani dinò d’essa pagati di più, com’elli a scrivini annantu à Twitter :
« Vulemu chì u nostru travagliu fussi ricunnusciutu , essa pagati com’ellu si devi è po chì tutt’ognunu sapissi chì i prufissori travagliani più di 40 ori a simana! »
