I mani à l’ochji : « Instapaga »

Navighendu annantu à u web, certi parsunalità com’è Kylie Jenner, a meza surella di Kim Kardashian, toccani più d’un milioni cù un solu ritrattu annantu à Instagram !

Tandu, sò andatu à veda ciò ch’ella mittia di cusì impurtanti par essa pagata tantu ! M’aspittavu à una vera rivuluzioni, affari strasurdinarii ch’aviani da cambià u mondu ! Eh t’aviu a raghjò ! Ùn c’era cà maravigli ! Fotò di i so pedi in tong, ritratti d’ella à u mari, i so rossi à labri di tutti i culori è pacchetti di chips à l’apperitivu ! Cosi impurtantissimi aiò ! Hè com’è Cristiano Ronaldo ch’ùn hà mancu più bisognu di tuccà un ballò pà stantà u so pani. Li basta à fà a publicità pà una marca di shampoing mustrendusi annantu à Instagram cù i capelli belli pittinati pà tuccà 750 000 dollari ! Ci vò à dì chì u ghjucadori purtughesu incascia listess’affari quand’ellu faci veda i so scarpi cù a listessa paga cà quilli chì i fabricheghjani di sicuru !

Ma ùn eti micca bisognu d’essa Beyonce o Neymar o di vincia à a luttaria ! Pudeti fà ancu megliu ! Senza mustravvi annantu à Instagram è senza fà a publicità pà una grandi marca.

Prima, sbruglietivi pà passà à a televisiò ! Quandì vo ci seti, basta à dì un sprupositu tamant’u mondu o una tuntia ch’ùn hà micca nè fondu nè cima ! Pudeti dì par isempiu : Magnifaaiiiik ! O diti chì vo t’eti a fubia amministrativa ! Dopu quand’ellu si n’hè parlatu assai, pudeti fà com’è Cristina Cordula o l’anzianu ministru Thomas Thévenoud è pruteghja i vostri tuntii fenduni una marca ! Cusì ni feti un cumerciu, u cumerciu di a più grossa cacciata !

rs_1034x640-191018124715-kylie-jenner-youtube-2

Attualità

chicihestatu View All →

Ghjurnali numericu in corsu

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s