Valincu Lindu : « U troppu stroppia! »
Dumenica sera, dopu à una riunioni di travagliu in merria di Vighjaneddu, u cullittivu Valincu Lindu hà annunciatu ch’ellu ùn piantaria di bluccà u centru Vighjaneddu 1 fintantu chì u prughjettu Vighjaneddu 2 validatu vennari da u Coderst ùn sarà annullatu è ch’ellu ùn si truvarà un’antra suluzioni à u nivellu di l’altri cumunità di cumuni par isempiu.
A dici in lu so cumunicatu : « U troppu stroppia. Emu fattu di più chè a noscia parti ma avà ci vò à cambià di sistema. Ognunu devi piddà i so rispunsabulità. I nosci, i piddemu blucchendu pà un tempu illimitatu l’accessu à u centru di Vighjaneddu fora di i camiò di i cumuni di u Sartinesu, di u Valincu è di u Taravu. »
