Luni, un omu di 61 annu hè statu cundannatu à un annu di prighjò è po 8 mesi attimpati cù l’obligazioni di curassi pà viulenzi contru à a so cumpagna in Biguglia. Robert Guignon ch’era dighjà statu cundannatu à 4 mesi di prighjò attimpati pà fatti simuli cù a so anziana moglia, era ghjudicatu da u tribunali currizziunali di Bastia par avè minatu a so cumpagna ch’ùn hè pussuta andà à travaglià duranti 5 ghjorni par via di i feriti custattati da un medicu. L’omu ùn hà micca nigatu i fatti ma ancu s’ellu ricunnosci ch’ellu ùn si sà micca cuntrullà è ch’ellu t’hà prublemi psichiatrichi, dici chì u so cumpurtamentu hè ghjustificatu di pettu à a donna chì biaria assai è chì « l’attacca sempri ». A prisidenti di u tribunali hà ancu citatu i parolli di l’accusatu chì avaria dittu à a so cumpagna : « S’e ùn mi ritiniu micca, ti sciappariu a faccia. Tutta manera, voi i donni, miriteti d’essa tombi. » 

Attualità