45% di l’alittori si ni sò stati in casa
Di pettu à a crisa sanitaria ch’ùn faci cà crescia, si sapia ch’ella ùn saria cusì forti a participazioni à stu prima ghjiru di i municipali 2020. Quilli ch’ùn sò andati à vutà riprisentani più di 45% di i parsoni scritti annantu à i listi alitturali. Si rimarca ch’ellu s’hè vutatu appena di più in Cismonti (58,75%) cà in li cumuni Pumuntinchi (51,10%). Par avà, ùn si sà ancu sì u sicondu ghjiru di st’alizzioni sarà mantinutu o micca.
